സ്വാതന്ത്ര്യം കിട്ടി 75 വർഷമായിട്ടും കുടിവെള്ളത്തിന് കോടതിയെ സമീപിക്കേണ്ടി വരുന്നോ?

മഹാരാഷ്ട്രയിലെ മെൽഘട്ടിലെ കുടിവെള്ള പ്രതിസന്ധിയിൽ ബോംബെ ഹൈക്കോടതി സംസ്ഥാന സർക്കാരിനെ രൂക്ഷമായി വിമർശിച്ചു. സ്വാതന്ത്ര്യം ലഭിച്ച് 75 വർഷമായിട്ടും ജനങ്ങൾക്ക് കുടിവെള്ളത്തിനായി കോടതിയെ സമീപിക്കേണ്ടി വരുന്നത് ഞെട്ടലുളവാക്കുന്നെന്ന് കോടതി നിരീക്ഷിച്ചു. ഓരോ ഗ്രാമത്തിലും കുടിവെള്ളമെത്തിക്കാൻ നടപ്പാക്കാവുന്ന പദ്ധതി സമർപ്പിക്കാൻ കോടതി സംസ്ഥാനത്തോട് ആവശ്യപ്പെട്ടു.